Loading...
ប្រាសាទ​«​សម្បូរ​ព្រៃ​គុក​»​មិនមែន​«​សម្បូរ​ព្រៃ​គុ​ហ៍​ទេ​»

ប្រាសាទ​«​សម្បូរ​ព្រៃ​គុក​»​មិនមែន​«​សម្បូរ​ព្រៃ​គុ​ហ៍​ទេ​»

ចំណេះដឹង 5 Comments 5

ការ​ហៅ ឬ​សរសេរ​ឈ្មោះ​ប្រាសាទ​«​សម្បូរ​ព្រៃ​គុ​ហ៍​» គឺ​មិន​ត្រូវ​នឹង​អត្ថន័យ​ដើម​ទេ វា​ជា​ការ​ខុស ។ នេះ​បើ​តាម​ការ​បញ្ជាក់​ដោយ​ឯក​សារ​របស់​លោក​បណ្ឌិត​មី​សែ​ល ត្រា​ណេ ។ ឯកសារ​ដដែល​បង្ហាញ​ថា​«​សម្បូរ​ព្រៃ​គុក​» គឺជា​អក្សរ​ផ្សំ​រវាង​ពាក្យ​៣​ម៉ាត់ គឺ​ពាក្យ​«​សម្បូរ ព្រៃ និង​គុក​» ។ អ្នក​ស្រាវជ្រាវ​បារាំង​ដំបូង​បង្អស់​ពីរ​នាក់​គឺ លោក​អា​ដឺ​ម៉ារ ឡឺ​ក្លែ​រ និង​លោក ហង់​រី ប៉ា​រ​ម៉ាំង​ទី​យេ ដែល​បាន​សិក្សា​ក្រុម​«​ប្រាសាទសម្បូរព្រៃគុក​»​មុន​ដំបូង​បង្អស់​បាន​សរសេរ​ថា «​គុក (Kuk)»​មាន​ន័យ​ថា «​ប៉ម​យាម​ប្រាសាទ​, កុ​ដ​, វិហារ (tour)» ហើយ​ជា​អ្វីមួយ​ដែល​អ្នក​ស្រាវជ្រាវ​ក្រោយមក​ទៀត​ដូច​ជា លោក​ដឺ​ឡា​ហ្សុ​ង គី​យ៉ែ​រ៍ និង​ហ្គ្រោ​លី​យេ​រ៍ បាន​គោរព​ប្រតិបត្តិ​តាម​រហូត​បច្ចុប្បន្ន ។

ពាក្យ​ថា «​គុក (Kuk)» ជា​ពាក្យ​ខ្មែរ ដែល​តាម​ធម្មតា មាន​ន័យ​ថា «​ប្រាសាទ​»​ជា​ហូរហែ​។ រីឯ​ពាក្យ​«​សម្បូរ​» គឺជា​ឈ្មោះ​របស់​ភូមិ​មួយ​នៅ​ជិត​ក្រុម​ប្រាសាទ​ទាំងនោះ ។ ចំពោះ​ពាក្យ​«​ព្រៃ​»​សំដៅ​ព្រៃឈើ ។ ពាក្យ​«​គុក​» ធ្លាប់​បានឮ ដោយ​មាន​កត់ត្រា​នៅ​ចុង​សតវត្សរ៍​ទី​១៩ និង​ដើម​សតវត្សរ៍​ទី​២០ ដោយ​ប្រវត្តិវិទូ ល្បី​ៗ ដែល​បាន​មក​ស្រាវជ្រាវ​ក្រុម​ប្រាសាទ​ទាំងនោះ​មុនគេ ។

ពាក្យ​ទាំង​បី​ម៉ាត់ «​សម្បូរ​ព្រៃ​គុក​»​មាន​ន័យ​ថា «​ព្រៃស្តុក​ដោយ​គុក ឬ​ប្រាង្គ​ប្រាសាទ​» (La foret aux tours) ហើយ​សំដៅ​ទៅ​លើ​ក្រុម​ប្រាសាទ​ទាំងឡាយ​ដែល​មាននៅ​លើ​ទីតាំង​នោះ​ទាំងមូល ។ ក្រសួង​វប្បធម៌ និង​វិចិត្រសិល្បៈ​បាន​ហៅ​ឈ្មោះ​«​ប្រា​សាទ​សម្បូរ​ព្រៃគុក​»​ជា​ផ្លូវការ ដូច្នេះ​ការ​ហៅ ឬ​សរសេរ​«​ប្រាសាទ​សម្បូរ​ព្រៃ​គុ​ហ៍​» មិន​ត្រឹមត្រូវ​ទេ ឬ​ទុក​ថា​ជា​មោឃៈ ។

ប្រវត្តិ​នៃ​ប្រាសាទសម្បូរព្រៃគុក គឺជា​ក្រុម​ប្រាសាទ​ធ្វើ​អំពី​ឥដ្ឋតាន់ ថ្មបាយក្រៀម និង​ថ្មភក់ ស្ថិត​នៅ​ភូមិ​សម្បូរ ស្រុក​សម្បូរ ចម្ងាយ​ប្រមាណ​ជា​២៥​គីឡូម៉ែត្រ​ពី​ទីរួមខេត្ត​កំពង់ធំ​។ ក្រុម​ប្រាសាទសម្បូរព្រៃគុក​ស្ថាបនា​ឡើងជា​លើក​ដំបូង​ដោយ​ព្រះមហាក្សត្រ​ខ្មែរ សម័យ​បុ​រេ​អង្គរ​៣​ព្រះ​អង្គ គឺ​ព្រះបាទ​ភ​វរ្ម័ន​ទី​១ ព្រះបាទ​ស្រី​ម​ហេ​ន្ទ្រ​វរ្ម័ន​ចិត្រ​សេនា និង​ព្រះបាទ​ឥ​សាន​វរ្ម័ន នៅ​អំឡុង​ចុង​សតវត្សរ៍​ទី​៦ និង​ដើម​សតវត្សរ៍​ទី​៧ ។ ការ​ស្ថាបនា​បន្ថែម​ជា​បន្តបន្ទាប់​រហូត​ដល់​ដើម​សតវត្សរ៍​ទី​១០​នៃ​គ្រឹ​ស្ត​សករាជ​មុន​ពេល​ផ្លាស់​ទីតាំង​ព្រះរាជ​ធានី​ចេ​ន​ឡា​ទៅ​កាន់​តំបន់​គូលែន នៅ​ខេត្តសៀមរាប ។

ក្រុម​ប្រាសាទសម្បូរព្រៃគុក ដែល​ចែក​ចេញ​ជា​បី​ក្រុម ធំ​ៗ និង​ក្រុម​ឧ​ប​សម្ព័ន្ធ​នានា​នោះ មិនមែន​ជាទី​ក្រុង​ឥ​សាន​បុ​រៈ ឬ​ឥ​សាន​បុរី​របស់​ព្រះបាទ​ឥ​សាន​វរ្ម័ន​ទី​១(៦១៥-៦៣៥​គ​.​ស​)​ទេ ប៉ុន្តែ​ក្រុម​ប្រាសាទ​ទាំងឡាយ​នៃ​ទីក្រុង​ឥ​សាន​បុ​រៈ ស្ថិត​នៅ​មិន​ឆ្ងាយ​ប៉ុន្មាន​ពី​ទីតាំង​នៃ​ក្រុម​ប្រាសាទ​ទាំង​៣​នោះ ៕

Comments

comments

5 Comments

  1. bet535 November 1, 2017 at 3:21 pm

    257065 59783Youre so cool! I dont suppose Ive read anything in this way before. So good to locate somebody by original thoughts on this subject. realy thanks for beginning this up. this fabulous website is one thing that is necessary on the internet, a person with a bit of originality. beneficial project for bringing a new challenge towards internet! 27870

  2. roofing contractor November 1, 2017 at 9:34 pm

    743523 370706A thoughtful insight and suggestions I will use on my site. Youve clearly spent some time on this. Congratulations! 384513

  3. Sehen Sie diese Seite November 6, 2017 at 7:41 am

    992743 412317It can be difficult to write about this subject. I feel you did an superb job though! Thanks for this! 130537

  4. Scr888 Register November 7, 2017 at 4:06 pm

    251694 156259really good put up, i certainly enjoy this web website, maintain on it 688065

Leave a comment

Search

Back to Top